გუშინ გვიან ღამით, ოკუპირებული აფხაზეთიდან, საქართველოს კონტროლირებად ტერიტორიაზე, 50 წლის ქალი კორონავირუსის სიმპტომებით გადმოიყვანეს.
50 წლის ქალს სასწრაფო სამედიცინო დახმარების მანქანები და საქართველოს შს სამინისტროს წარმომადგენლები ფახულანის ე.წ.გამშვებ პუნქტზე დახვდნენ და ის, ზუგდიდის ინფექციურ საავადმყოფოში გადაიყვანეს.
პაციენტი ბოქსირებულ პალატაშია მოთავსებული და მისი მდგომარეობა ამ დროისთვის, სტაბილურია.
წყაროს ინფორმაციით ოკუპირებული აფხაზეთიდან გადმოყვანილი ქალი საქართველოს მოქალაქეა და ე.წ. აფხაზური პასპორტი აქვს.
