ოკუპირებულ ტერიტორიაზე ე.წ. არჩევნებთან დაკავშირებით აფხაზეთის უმაღლესი საბჭოს სახელით საბჭოს თავმჯდომარე ჯემალ გამახარია განცხადებას ავრცელებს

თაიმერი timer.ge
ავტ.: თაიმერი timer.ge აგვისტო 25, 2019 19:42

ოკუპირებულ ტერიტორიაზე ე.წ. არჩევნებთან დაკავშირებით აფხაზეთის უმაღლესი საბჭოს სახელით საბჭოს თავმჯდომარე ჯემალ გამახარია განცხადებას ავრცელებს

მნიშვნელოვანი

  • ოკუპირებულ ტერიტორიაზე ე.წ. არჩევნებთან დაკავშირებით აფხაზეთის უმაღლესი საბჭოს სახელით საბჭოს თავმჯდომარე ჯემალ გამახარია განცხადებას ავრცელებს

სხვა სტატიები

ოკუპირებულ ტერიტორიაზე ე.წ. არჩევნებთან დაკავშირებით აფხაზეთის უმაღლესი საბჭოს სახელით საბჭოს თავმჯდომარე ჯემალ გამახარია განცხადებას ავრცელებს.

მისი განცხადებით, „საპრეზიდენტო არჩევნები“, რომელიც დღეს იმართება, წარმოადგენს მორიგ ძალადობას კანონზე, დემოკრატიაზე, ადამიანის უფლებებსა და საერთაშორისო სამართალზე.

„დარწმუნებული ვართ, საერთაშორისო თანამეგობრობა, რომელიც მტკიცედ უჭერს მხარს საქართველოს ტერიტორიულ მთლიანობას, ამჯერადაც ერთსულოვანი იქნება და არ აღიარებს რუსეთის მიერ საქართველოს ოკუპირებულ ტერიტორიაზე „არჩევნების“ სახელწოდებით გათამაშებულ ფარსს. მასზე მოსკოვის გავლენის ამა თუ იმ აგენტის დასწრება ზოგიერთი სახელმწიფოდან და მათ მიერ „არჩევნების“ დემოკრატიულად აღიარება, ვერანაირად ვერ მიანიჭებს მას ლეგიტიმურობას.

შეუძლებელია ნამდვილი არჩევნები გაიმართოს ტერიტორიაზე, რომლის მოსახლეობის ორ მესამედზე მეტი დევნილია; ტერიტორიაზე, სადაც ეთნიკური წმენდა და გენოციდი განხორციელდა და, რომელიც სრული ქაოსისა და განუკითხაობის მორევშია ჩაფლული.

აფხაზეთის ავტონომიური რესპუბლიკის დეოკუპაციამდე, საქართველოს ტერიტორიული მთლიანობის აღდგენამდე, საკუთარ სახლებში დევნილთა დაბრუნებამდე და დემოკრატიული არჩევნების ჩატარებამდე ავტონომიური რესპუბლიკის ერთადერთ ლეგიტიმურ ხელისუფლებას წარმოადგენს დევნილობაში მოქმედი უმაღლესი საბჭო და მის მიერ დანიშნული მთავრობა. ცრუ არჩევნების შედეგები კი ბათილია, – განაცხადა აფხაზეთის უმაღლესი საბჭოს თავმჯდომარე ჯემალ გამახარიამ.

რუსეთის მიერ ოკუპირებულ აფხაზეთში ე.წ. საპრეზიდენტო არჩევნები დღეს იმართება. როგორც საოკუპაციო რეჟიმი იუწყება, „პრეზიდენტობისთვის ცხრა კანდიდატი იბრძვის და მათ შორისაა მოქმედი პრეზიდენტი რაულ ხაჯიმბა“. რუსეთის მიერ ოკუპირებულ რეგიონში მოწყობილია „35 საარჩევნო ოლქი და 152 უბანი“.

თაიმერი timer.ge
ავტ.: თაიმერი timer.ge აგვისტო 25, 2019 19:42

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,001
ვიზიტორი
დღეში
Powered By Google Analytics