ოკუპირებულ აფხაზეთში საწვავის კრიზისი არ მოგვარებულა. ადგილობრივ ბენზინგასამართ სადგურებთან ავტომობილების გრძელი რიგები კვლავ ფიქსირდება, შესაბამისი ვიდეომასალა კი აფხაზურ Telegram-არხებზე ვრცელდება.
„საწვავის მდგომარეობა არ უმჯობესდება“, — ამ წარწერით გამოქვეყნდა კადრები, რომლებიც 15 აგვისტოს, ცანდრიფშში, „როსნეფტის“ ბენზინგასამართ სადგურთანაა გადაღებული.
ადგილობრივი მცხოვრებლების ცნობით, რეგიონში ბენზინის დეფიციტის გამო გადაადგილება კვლავ შეფერხებულია.
