ოკუპირებული აფხაზეთის დე ფაქტო პარლამენტმა პირველი მოსმენით მიიღო კანონპროექტი, რომლითაც რუსული რუბლი ოფიციალური ვალუტა გახდება. კანონპროექტს მხარი 26-მა ე.წ. დეპუტატმა დაუჭირა, წინააღმდეგი კი 2 იყო.
როგორც ეხო კავკაზა წერს, დე ფაქტო ეროვნული ბანკის თავმჯდომარე, ბესლან ბარათელია ჯანმრთელობის მიზეზით სხდომაზე არ მივიდა.
კანონპროექტის მიხედვით ოკუპირებული აფხაზეთის ოფიციალური ვალუტა რუსული რუბლი იქნება, ხოლო ყველა დანარჩენი ვალუტა კლასიფიცირდება. გარდა ამისა, სავალუტო რეგულირების მიზნებისათვის საკანონმდებლო დონეზე შემოდის ცნება “რეზიდენტი” და “არარეზიდენტი”.
მანამდე აფხაზეთის ლიდერმა ასლან ბჟანიამ გააკრიტიკა ეკონომისტის, ახრა არისთავის, პოზიცია, რომელიც ეროვნული ვალუტის – აფსარას შემოღების აუცილებლობაზე მიუთითებდა.
