ოკუპირებული აფხაზეთის ე.წ. ჯანდაცვის სამინისტროს ინფორმაციით, გასული დღე-ღამის განმავლობაში კორონავირუსზე ტესტირება 373 ადამიანს ჩაუტარდა, მათგან 67 პირს „კოვიდ-19“ დაუდასტურდა.
ოკუპირებული აფხაზეთის სამ კოვიდცენტრში 183 ინფიცირებული პაციენტი მკურნალობს, მათგან 26-ის მდგომარეობა მძიმეა.
გუდაუთის რაიონულ საავადმყოფოში ორი კოვიდინფიცირებული პაციენტი გარდაიცვალა.
ოკუპირებულ აფხაზეთი კორონავირუსით ინფიცირების სულ 4 898 შემთხვევა გამოვლინდა, მათგან 3 227 გამოჯანმრთელდა. 58 კი გარდაიცვალა.