ოკუპირებულ აფხაზეთში ბოლო 24 საათის განმავლობაში, ჩატარებული 426 ტესტირების შედეგად, კორონავირუსი 120 ადამიანს დაუდასტურდა. ამის შესახებ „სპუტნიკი“ ადგილობრივ ე.წ. ოპერატიულ შტაბზე დაყრდნობით იუწყება. შესაბამისად, მთლიანად დაინფიცირებულთა რაოდენობა 24 310-მდე გაიზარდა.
ამავე პერიოდში გამოჯანრთელდა 130 ადამიანი, რის შედეგადაც, გამოჯანმრთელებულთა საერთო რაოდენობამ შეადგინა 19 608.
ბოლო დღე-ღამის განმავლობაში ოკუპირებულ ტერიტორიაზე კორონავირუსით გარდაცვალების არც ერთი ფაქტი არ დაფიქსირებულა. საერთო ჯამში ვირუსს 360 ადამიანი ემსხვერპლა.
