ზაპოროჟიეს რეგიონში ოკუპანტები აგრძელებენ ატომური ელექტროსადგურის მუშაკების ტერორს, ადამიანების გატაცებას, წამებას და გრადების განთავსებას პირდაპირ რეკრეაციულ ცენტრებში. ინფორმაციას უკრაინული მედია ავრცელებს.
დამპყრობლები ცდილობენ განახორციელონ შეტევითი ოპერაციები პოკროვსკოე-გულიაიპოლეს მიმართულებით.
პოკროვსკოე-გულიაიპოლზე დასარტყმელად, მტერმა გამოიყენა მრავალჯერადი სარაკეტო სისტემა და საარტილერიო განადგურების სხვა საშუალებები. შედეგად ერთი ადამიანი დაშავდა.
პოკროვსკოე-გულიაიპოლეს რაიონში ტრასაზე მოძრაობისას კაცი ნაღმზე აფეთქდა. მან ფეხი დაკარგა.
დნეპროვსკის თემში დამპყრობლები ადამიანებს 15-დღიანი პატიმრობითა და საზოგადოებრივი შრომით ემუქრებიან სამოქალაქო წესრიგისა და კომენდანტის საათის დარღვევისთვის.
მედიის ცნობით, მუშათა როტაცია მიმდინარეობს, ფორმალურად ოკუპანტები არ ერევიან სადგურის მუშაობაში, მაგრამ პერსონალი მაინც იძულებულია ყველა ტექნიკური გადაწყვეტილება რუს სამხედრო მეთაურებზე დაყრდნობით მიიღონ.
ზაპოროჟიეს ხელმძღვანელი ამბობს, რომ ოკუპანტები ავრცელებენ დეზინფორმაციას.
მელიტოპოლში რუსი სამხედროები იღებენ პროვოკაციულ ვიდეოებს და ამაში ადგილობრივ ახალგაზრდებს რთავენ.
მელიტოპოლში ბიჭი აწამეს და შეურაცხყოფა მიაყენეს ისე, რომ მან ვენების გადაჭრა სცადა. ექიმებმა მებრძოლს ოპერაცია გაუკეთეს, ოპერაციის შემდეგ რუსი სამხედროების ესკორტმა უკრაინელი ტყვე დაუყოვნებლივ წაიყვანა გაურკვეველი მიმართულებით.
ქალაქ ტოკმაკში რუსმა სამხედროებმა პოლიციელი გაიტაცეს. ღამით მამაკაცის სახლში შევიდნენ და გაურკვეველი მიმართულებით წაიყვანეს. საგუშაგოზე დამპყრობლებმა დააკავეს და გაურკვეველი მიმართულებით გაიყვანეს ბერდიანსკის ინსპექტორი, პოლიციის უფროსი ლეიტენანტი. მელიტოპოლში რუსმა მებრძოლებმა სახელმწიფო საგანგებო სიტუაციების სამსახურის თანამშრომელი გაიტაცეს.
„ოკუპანტები სააღდგომოდ პროვოკაციებს ამზადებენ. წინასწარი ინფორმაციით, ისინი გეგმავენ ეკლესიების დაბომბვას ზაპოროჟიეს რაიონში“, – დასძინეს ზაპოროჟიეს პოლიციის განყოფილებაში.
