ოკუპაცია გაგრძელდება მანამ, ვიდრე საქართველოს ხელისუფლებას თავჩაღუნულობის და ჩავდაქინდრულობის პოლიტიკა აქვს – უდუმაშვილი

region
ავტ.: region აგვისტო 15, 2019 15:27

ოკუპაცია გაგრძელდება მანამ, ვიდრე საქართველოს ხელისუფლებას თავჩაღუნულობის და ჩავდაქინდრულობის პოლიტიკა აქვს – უდუმაშვილი

გუგუტიანთკარში არსებულ მდგომარეობას და მოსახლეობის მიერ ხელისუფლების მიმართ დახმარების თხოვნას „ერთიანი ნაციონალური მოძრაობის” პოლიტიკური საბჭოს წევრი, ზაალ უდუმაშვილი ეხმაურება.

რუსმა ოკუპანტებმა უკანონო საზღვარი კიდევ უფრო გადმოწიეს, რის შედეგადაც საკარმიდამო ნაკვეთების შემდეგ, უკვე ადგილობრივების სახლების ნაწილი მოექცევა ე.წ. საზღვარს მიღმა.

უდუმაშვილის თქმით, ოკუპირებულ ტერიტორიებთან მცხოვრები მოსახლეობა საკმაოდ დიდი ხანია, მიტოვებულია. ოპოზიციონერი პოლიტიკოსი ხელისუფლებას რუსეთთან მიმართებაში მკაცრი პოლიტიკის გატარებისკენ მოუწოდებს.

„ეს ბორდერიზაციის პროცესი და მცოცავი ოკუპაცია გაგრძელდება მანამ, ვიდრე საქართველოს ხელისუფლებას ეს თავჩაღუნულობის და ჩავდაქინდრულობის პოლიტიკა აქვს და ხმის ამოუღებლობის. ნეტავ, დათვალა „ქართულმა ოცნებამ“ ბოლო წლების განმავლობაში, მათმა ასეთმა პოლიტიკამ რამდენი ტერიტორია დააკარგვინა ქვეყანას. ეს მცოცავი ოკუპაცია, რომელიც ყოველდღიურად გრძელდება პრაქტიკულად და ჩვენ ყოველდღე ვხედავთ ახალი მავთულხლართები ებმება, ეს ხომ გაგრძელდება და არ გაჩერდება, მართლა, როდემდე უნდა გაგრძელდეს, სანამ „ქართული ოცნების“ ჩინოვნიკების სახლებზე არ გაივლის უშუალოდ მავთულხლართები? ამისთვის საჭიროა ძალიან მკვეთრი ნაბიჯები და ძალიან მკაცრი პოლიტიკა,“ – განაცხადა ზაალ უდუმაშვილმა.

region
ავტ.: region აგვისტო 15, 2019 15:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics