“ოკრიბადან” “დაკარგულმა” ბიჭმა 23 ათასი დოლარი წააგო

თაიმერი timer.ge
ავტ.: თაიმერი timer.ge აგვისტო 17, 2017 17:14

“ოკრიბადან” “დაკარგულმა” ბიჭმა 23 ათასი დოლარი წააგო

შსს-ს თბილისის პოლიციის დეპარტამენტის დიდუბე-ჩუღურეთის სამმართველოს მე-2 განყოფილებაში, ქუთაისის საქალაქო სამმართველოდან გადმოგზავნილი მასალების საფუძველზე, 1995 წელს დაბადებული ლ. მ.-ს დიდუბის ავტოსადგურ “ოკრიბადან” გაუჩინარების ფაქტის შესახებ გამოძიება საქართველოს სსკ-ს 143-ე მუხლის 1-ლი ნაწილით დაიწყო, რაც თავისუფლების უკანონოდ აღკვეთას გულისხმობს.
სამართალდამცველებმა, ჩატარებული ოპერატიულ-სამძებრო ღონისძიებების შედეგად, მოქალაქე ლ.მ.-ს ადგილსამყოფელი დაადგინეს. გაირკვა, რომ იგი სოფელ გრიგოლეთიდან დაბა ურეკის მიმართულებით გადაადგილდებოდა. ამ მომენტისათვის ლ.მ. თავს კარგად გრძნობს. მის მიმართ რაიმე სახის ძალადობრივ ქცევას ან თავისუფლების უკანონო აღკვეთას ადგილი არ ჰქონია.

შეგახსენებთ, ლევან მამაგეიშვილი თბილსში დასთან ერთად ავტომანქანის საყიდლად იყო ჩამოსული და თან 23 ათასი დოლარი ჰქონდა. რუსთავში ავტობაზრობაზე წასვლამდე ისინი ოკრიბას სადგურზე მდებარე ერთ-ერთ კაფეში გაჩერდნენ, რა დროსაც ლევან მამაგეიშვილი რამდენიმე წუთით საპირფარეშოში შედის და ამ წუთიდან მისი კვალი ქრება. მართალია ლევან მამაგეიშვილი სამართალდამცველებმა ურეკში იპოვეს და ის თავს კარგად გრძნობს. თუმცა როგორც ,,თაიმერისთვის“ გახდა ცნობილი თანხა რომელიც მას თანს ჰქოდა 23 ათასი დოლარი აზარტულ თამაშებში წააგო.

თაიმერი timer.ge
ავტ.: თაიმერი timer.ge აგვისტო 17, 2017 17:14