პარტია “საქართველოსთვის” წევრი, ბექა ლილუაშვილი ოხანაშვილს რუსული კანონპროექტის განხილვის გადადებასა და ალტერნატიული, “ანტირუსული” კანონის განხილვას სთავაზობდა, რა დროსაც მას მიკროფონი გაუთიშეს.
“კანონპროექტის სახელწოდება თქვენ იცით და გთხოვთ, თუ კონკრეტულ კანონპროექტს გულისხმობთ, ბრძანეთ რომელ პროექტს გულისხმობთ. მე არ ვიცი რუსული კანონი აქ, რომელიც ჩვენ აქ დღეს უნდა განვიხილოთ. ესეთი კანონი არ არსებობს… ჩემ გარეშე მიკროფონს ნუ რთავთ”, – თქვა ოხანაშვილმა.
“ძალიან კარგად იცით, ჩემი აზრით, ბატონო ანრი, რა კანონზეც არის საუბარი…ამას მოწმობს თქვენი მართლა დეზინფორმაციული პლაკატები, რომლითაც გადაავსეთ მთელი საქართველო,” – უპასუხა ლილუაშვილმა.
ოხანაშვილმა კი რუსული კანონის ხსენებისას მიკროფონი გაუთიშა “ევროოპტიმისტების” წვერ ხატია დეკანოიძესა და “ლელოს” წევრ ანა ნაცვილიშვილსაც. კანონპროექტის გაწვევისკენ ოხანაშვილს დეპუტატმა თამარ ჩარკვიანმაც მოუწოდა.
