ოჯახის სიწმინდისა და სიმტკიცის დღესთან დაკავშირებით, დღეს მსვლელობა გაიმართება

თაიმერი timer.ge
: თაიმერი timer.ge მაისი 17, 2019 10:13

ოჯახის სიწმინდისა და სიმტკიცის დღესთან დაკავშირებით, დღეს მსვლელობა გაიმართება

17 მაისთან დაკავშირებით საპატრიარქო განცხადებას ავრცელებს, საპატრიარქოს თქმით ოჯახის სიწმინდის დღის აღნიშვნასთან დაკავშირებით დაგეგმილი ღონისძიება მშვიდობიანია და რაიმე სახის აგრესიასთან კავშირი არა აქვს. საპატრიარქოს განცხადებით ეკლესია ემიჯნება ნებისმიერ ძალადობას, ვისგანაც არ უნდა მომდინარეობდეს იგი:

„ა.წ. 17 მაისს ოჯახის სიწმინდის დღის აღნიშვნასთან დაკავშირებით კვლავ შედგება სახალხო მსვლელობა რესპუბლიკის (ვარდების) მოედნიდან სამების საკათედრო ტაძრისკენ, სადაც სრულიად საქართველოს კათოლიკოს-პატრიარქი გადაიხდის პარაკლისს, დალოცავს ხალხს და სრულიად საქართველოს.

მსვლელობა დაიწყება 17:00 საათზე და დასრულდება კონცერტით, რომელიც პარაკლისის შემდეგ გაიმართება.

აღვნიშნავთ, რომ ეს ღონისძიება არის მშვიდობიანი და მას რაიმე სახის აგრესიასთან კავშირი არა აქვს, იგი არის ჩვენი საზოგადოების მხარდაჭერის გამოხატულება ტრადიციული ღირებულებებისადმი.

კიდევ ერთსაც შევნიშნავთ, რომ ეკლესია ემიჯნება ნებისმიერ ძალადობას, ვისგანაც არ უნდა მომდინარეობდეს იგი.“- აღნიშნულია საპატრიარქოს განცხადებაში.

შეგახსენებთ, 17 მაისი ჰომოფობიასთან ბრძოლის დღეა, იმის მიუხედავად, რომ ლგბტ თემის განცხადებით, წელს მსვლელობა არ გაიმართება, გარკვეული ჰომოფიური ჯგუფები აგრესიულ განცხადებებს ავრცელებენ და ლგბტ თემის წინააღმდეგ გამოსვლას გეგმავენ.

თაიმერი timer.ge
: თაიმერი timer.ge მაისი 17, 2019 10:13

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics