ოდესის მხარის სისხლის სამძებრო და სწრაფი რეაგირების სამსახურებმა, ოდესაში 78 წლის მამაკაცი დააკავეს, რომელიც ქურდულ სამყაროში ცნობილია, როგორც “კანონიერი ქურდი” მეტსახელად “პოლტავა”.
ოდესის მხარის სამართალდამცველების მიერ გავრცელებულ განცხადებაშია ნათქვამია, რომ დაკავება ოპერატიული ინფორმაციის საფუძველზე მოხდა – “პოლტავა” ოდესას რეგიონში კრიმინალური სიტუაციის მოსაწესრიგებლად ჩავიდა.
ოპერატიული მოქმედებების ჩატარების შემდეგ, სამართალდამცველებმა 78 წლის მამაკაცი სათამაშო ცენტრში დააკავეს. მას ახსნა-განმარტება ჩაუტარდა, რომლის შემდეგადაც მან ქალაქის და მხარის ტერიტორია დატოვა – უკრაინული მედია წერს.