“ოცნების” კოალიციამ შედეგი ვერ გამოიღო – ჭიჭინაძე ივანიშვილთან თანამშრომლობას გამორიცხავს

region
ავტ.: region ივლისი 17, 2019 16:35

“ოცნების” კოალიციამ შედეგი ვერ გამოიღო – ჭიჭინაძე ივანიშვილთან თანამშრომლობას გამორიცხავს

“ოცნების” კოალიციამ სხვა პარტიებთან შედეგი ვერ გამოიღო-ასე ეხმაურება დავით ჭიჭინაძე ბიძინა ივანიშვილის დღევანდელ განცხადებას, რომ შესაძლოა 2020 წლის არჩევნებისთვის შექმნას კოალიცია და ითანამშრომლებს ყველა პოლიტკურ პარტიასთან, ენმ-ს გარდა.

პოლიტიკური მოძრაობა ”ტრიბუნას” დამფუძნებელი და “ოცნების” ყოფილი წევრი აცხადებს, რომ „ქართულ ოცნებასთან“ თანამშრომლობით სასიკეთოდ რაიმეს შეცვლას ვერავინ მოახერხებს. მისი თქმით, თავად მმართველ გუნდს არ გააჩნია ხედვა თუ როგორ უნდა განვითარდეს ქვეყანა.

„კოალიციური მთავრობა სხვადასხვა შემადგენელი პარტიებისაგან “ქართულ ოცნებას” ჰქონდა 2016 წლამდე და ჩვენ ვნახეთ, რომ შედეგი მაინც და მაინც დადებითი ვერ გამოიღო და წავიდნენ მაშინ ერთი მთავრობისკენ. არ მგონია, რომ ამ ფორმატში “ქართულ ოცნებასთან” თანამშრომლობით ვინმემ რამე შეძლოს რადიკალურად და სასიკეთოდ შეცვლა. იქიდან გამომდინარე, რომ პრაქტიკულად მოდელი, რომელიც უნდა შესთავაზონ ჩვენ ქვეყანას განვითარების არც “ქართულ ოცნებას” გააჩნია, არც იმ ძალებს გააჩნია ვისაც ის მოიაზრებს კოალიციური მთავრობად,“-განაცხადა დავით ჭიჭინაძემ.

დავით ჭიჭინაძე გამორიცხავს, რომ მან რაიმე ფორმით ბიძინა ივანიშვილთან ითანამშრომლოს.

„არა, არ ვითანამშრომლებ. მე შეიძლება ვითანამშრომლო იმ ადამიანებთან, რომლებსაც სიტყვის დაპირებულის შესრულება მთავარ მიზნად მიაჩნია. და სამწუხაროდ ქართულმა ოცნებამ ყველაფერზე უარი თქვა,“-განაცხადა დავით ჭიჭინაძემ.

region
ავტ.: region ივლისი 17, 2019 16:35

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,536
ვიზიტორი
დღეში
Powered By Google Analytics