ქართული ოცნების დეპუტატები პარლამენტის ეზოში საგარეო საქმეთა სამინისტროს ეზოს გავლით შედიან, რადგან ყველა სხვა მისასვლელი გზა სამართალდამცველებმა თავად ჩახერგეს რკინის კონსტრუქციებით.
აღსანიშნავია, რომ ევროპული საქართველოს დეპუტატი ელენე ხოშტარია იმავე შესასვლელთან არ მიუშვეს.
პარლამენტის ეზოში დეპუტატების შესვლას მომიტინგეების პროტესტი მოჰყვა, რა დროსაც პოლიციამ სამი პირი დააკავა. შინაგან საქმეთა სამინისტრო კი ამტკიცებს, რომ მათ არავინ დაუკავებიათ, მხოლოდ სიტუაციას განარიდეს.
