ოცდამეჩვიდმეტედ ცხრა აპრილი თენდება… 1989 წლის 9 აპრილის ტრაგედიიდან 37 წელი შესრულდა. ზუსტად 37 წლის წინათ თბილისში, დილის 04.00. საათზე, შოთა რუსთაველის გამზირზე, მაშინდელი მთავრობის სასახლის წინ, საბჭოთა კავშირის სპეციალური დანიშნულების რაზმმა მშვიდობიანი მიტინგი სასანგრე ნიჩბების, ხელკეტებისა და გაზის გამოყენებით დაარბია.
სადამსჯელო რაზმს გენერალი იგორ როდიონოვი ხელმძღვანელობდა. მიტინგის დაშლისას ადგილზე 21 მოქალაქე დაიღუპა. დაღუპულთაგან 16 ქალია, აქედან ერთ-ერთი ელისო ჭიპაშვილი ფეხმძიმედ იყო. თამარ ჭოველიძე, ეკა ბეჟანიშვილი და ნათია ბაშალეიშვილი კი საშუალო სკოლის დამამთავრებელ კლასებში სწავლობდნენ.
9 აპრილის დემონსტრაციის მონაწილეთა უმთავრესი მოთხოვნა საქართველოს სახელმწიფოებრივი დამოუკიდებლობის აღდგენა და საბჭოთა კავშირის შემადგენლობიდან მისი გამოსლვა იყო. ამ მოთხოვნით პირველი გამოსვლები თბილისში ჯერ კიდევ 1988 წლის ნოემბერში დაიწყო.
ფართომასშტაბიანი საპროტესტო აქციები 1989 წლის 4 აპრილს განახლდა. ამ დღეს მაშინდელი მთავრობის სასახლის წინ ახალგაზრდების ერთმა ჯგუფმა შიმშილობა გამოაცხადა. შიმშილობის აქცია დარბევამდე გრძელდებოდა. ამაზე დამიწერე ტექსტი
9 აპრილი გარდამტეხ ფაქტად იქცა. ტრაგედიამ საზოგადოება კიდევ უფრო გააერთიანა და გააძლიერა დამოუკიდებლობისკენ სწრაფვა, რაც საბოლოოდ 1991 წლის 9 აპრილს საქართველოს სახელმწიფოებრივი დამოუკიდებლობის აღდგენით დაგვირგვინდა.
დღეს 9 აპრილი ერთდროულად გლოვისა და სიამაყის დღეა. ეს არის დრო, როდესაც ვიხსენებთ დაღუპულებს, მათ თავგანწირვას და კიდევ ერთხელ ვაცნობიერებთ თავისუფლების ფასს. მათი გმირობა გვახსენებს, რომ დამოუკიდებლობა მარტივად არ მოდის- ის მოიპოვება სიმტკიცით, ერთიანობითა და რწმენით.
9 აპრილი ცოცხალია ჩვენს მეხსიერებაში,როგორც ტკივილი, რომელიც გვაერთიანებს, და როგორც ძალა, რომელიც მომავალს გვაშენებინებს.
37 წლის წინ დაღუპული გმირები არიან: აზა ადამია – 22 წლის; ნათია ბაშალეიშვილი – 16 წლის; ეკა ბეჟანიშვილი – 15 წლის; ნატო გიორგაძე – 23 წლის; თამუნა დოლიძე – 28 წლის; თინა ენუქიძე – 70 წლის; ნინო თოიძე – 22 წლის; ზაირა კიკვიძე – 61 წლის; მანანა ლოლაძე – 34 წლის; თამარ მამულაშვილი – 50 წლის; ვენერა მეტრეველი – 45 წლის; მამუკა ნოზაძე – 21 წლის; ნანა სამარგულიანი – 41 წლის; შალვა ქვასროლიაშვილი – 35 წლის; მარინა ჭყონია-სამარგულიანი – 31 წლის; ელისო ჭიპაშვილი – 25 წლის; თამარ ჭოველიძე – 16 წლის; ნოდარ ჯანგირაშვილი – 40 წლის; მზია ჯინჭარაძე – 43 წლის; მანანა მელქაძე – 26 წლის და გია ქარსელაძე – 25 წლის.
