საშა ობამამ, რომელიც აშშ პრეზიდენტის ბარაკ ობამას ქალიშვილია, თეთრი სახლის კომფორტს ზღვის პროდუქტების გაყიდვა არჩია – “ბიბისი” წერს.
15 წლის საშამ საზაფხულო სამუშაო მასაჩუსეცში მოძებნა.
ის თავის სრულ სახელს – ნატაშას იყენებს სამსახურში. პრეზიდენტის ქალიშვილი უშიშროების სამსახურის 6 თანამშრომლის მეთვალყურეობის ქვეშ არის – the Boston Herald-ი წერს.
პაპარაცებმა მუშაობის პროცესში მისი ფოტო გამოაქვეყნეს. მას ცისფერი მაისური აცვია და რესტორნის ქუდი ახურავს.
რესტორნის თანამშრომელმა the Boston Herald-ს უთხრა, რომ ნატაშა ქვედა სართულზე მუშაობს. “ჩვენ გვიკვირდა, რატომ ახვევია ამ გოგოს 6 ადამიანი, მაგრამ შემდეგ გავიგეთ რაშიც იყო საქმე” – ამბობს რესტორნის თანამშრომელი.
თეთრი სახლი the Boston Herald-ის რეპორტაჟზე კომენტარს არ აკეთებს, მაგრამ მიშელ ობამამ განაცხადა, რომ ის და ბარაკ ობამა საკუთარ შვილებს ისე ზრდიან, როგორც ჩვეულებრივი ამერიკელის ოჯახში.