„ერთიანი ნაციონალური მოძრაობის“ თეთრიწყაროს მაჟორიტარი დეპუტატობის კანდიდატი ნუგზარ წიკლაური სოფელ ახალ სამგორში, გამარჯვებასა და მეურნეობის დასახლებების მოსახლეობას შეხვდა.
როგორც ”თაიმერს” პარტიიდან აცნობეს, წიკლაურმა ადგილობრივების პრობლემები მოისმინა.
პარტიის პრესსამსახურის ცნობით, შეხვედრისას ცნობილი გახდა, რომ მოსახლეობის ნაწილი პოლიტიკური ნიშნით სოციალური დახმარების მოხსნაზე საუბრობს.
”სოფლებში აქტუალურია უმუშევრობის, წყლისა და შიდა გზების პრობლემა.
როგორც შეხვედრის მონაწილეებმა აღნიშნეს, ხელისუფლება არსებული მდგომარეობის შესახებ ინფორმირებულია, მიუხედავად ამისა, დახმარება ამ დრომდე არ აღმოუჩენიათ. ადგილობრივებმა წიკლაურს მხარდაჭერა გამოუცხადეს”, – განმარტავენ პარტიის პრესსამსახურში.
