შინაგან საქმეთა სამინისტროს გადაუდებელი დახმარების ოპერატიული მართვის ცენტრი 112 მიმდინარე წლის ნოემბრიდან მთელი საქართველოს მასშტაბით მობილურ აპლიკაციას აამოქმედებს.
მობილური აპლიკაცია მოქალაქესა და გადაუდებელი დახმარების ნომრის ოპერატორს შორის უმოკლეს დროში კავშირის დამყარებისა და ადგილმდებარეობის დაუყოვნებლივ განსაზღვრის შესაძლებლობას იძლევა.
როგორც აპლიკაციის პრეზენტაციაზე აღინიშნა, მობილური აპლიკაცია მსოფლიოს 13 ქვეყანაშია დანერგილი და საქართველოს მოქალაქეებისთვისაც ხელმისაწვდომი იქნება. აპლიკაცია უფასოა, სამენოვანია, აქვს IOS-ისა და Android-ის პლატფორმების მხარდაჭერა.
მობილური აპლიკაციის პრეზენტაცია შსს-ში გაიმართა.
