ლატარიის კომპანიასთან დაკავშირებით, უკვე გამზადებული გვაქვს სატენდერო დოკუმენტაცია და ვფიქრობთ, რომ უახლოს მომავალში ახალ ტენდერს გამოვაცხადებთ და შემოვიყვანთ კარგ ინვესტორს,- განაცხადა ფინანსთა მინისტრმა ნოდარ ხადურმა.
მისივე თქმით, მთავრობა არ აპირებს ლატარიის კომპანიისათვის სახელმწიფოს წინაშე არსებული ვალის პატიებას.
„რაც შეეხება ამ კომპანიას, არავინ აპირებს თანხის პატიებას. ჩვენ ვსწავლობთ ყველაფერს. ამ თემაზე რეალურად ძალიან ბევრს ვმუშაობთ ეკონომიკის სამინისტროსა და შესაბამისს სტრუქტურებთან, იმასთან დაკავშირებით რომ სფერო, რომელშიც შესაძლებელია, რომ შეიქმნას დამატებული ღირებულება და ჩადგეს გარკვეული მიმართულებების სამსახურში,ეს შესაძლებლობა მაქსიმალურად იქნეს გამოყენებული.”- განაცხადა ხადურმა.
შეგახსენებთ, რომ საქართველოს ლატარიის კომპანიის ვალი სახელმწიფოს მიმართ 216 მილიონ ლარზე მეტს შეადგენს.
