ატომურ ელექტროსადგურ Indian Point-თან მდებარე გრუნტის წყლებში რადიოაქტიური ნივთიერებები იქნა აღმოჩენილი – ამის შესახებ ნიუ-იორკის გუბერნატორმა ენდრიუ კუომომ განაცხადა.
კუომოს თქმით, წყლის სინჯებში ტრიტიუმი იქნა აღმოჩენილი, მაგრამ მისივე მტკიცებით, აღნიშნული პრობლემა ადამიანის ჯანმრთელობაზე არ იმოქმედებს. მან ასევე განაცხადა, რომ ინციდენტის გამოძიება დაწყებულია.
თვითონ ელექტროსადგურის წარმომადგენლები, ჯერჯერობით, აღნიშნულთან დაკავშირებით კომენტარს არ აკეთებენ.
