სომხეთის პრემიერ-მინისტრი „ჩებურეკსაც“ ჭამდა, თუ როგორ იყო? – ამის შესახებ პარლამენტის ვიცე-სპიკერმა, ნინო წილოსანმა ჟურნალისტებთან განაცხადა, რითაც უპასუხა შეკითხვას: გამართა თუ არა „რაიმე სხდომა“ საქართველოს მთავრობამ ახლო აღმოსავლეთში მიმდინარე პროცესების განსახილველად იმ ფონზე, რომ სომხეთმა უსაფრთხოების საბჭო მალევე მოიწვია.
მისი თქმით, რასაც სომხეთი აკეთებს, იმავეს გაკეთებას არ აპირებენ, რადგან მათ საკუთარი გადაზღვევის მექანიზმები აქვთ.
“სომხეთის პრემიერ-მინისტრი „ჩებურეკსაც“ ჭამდა თუ როგორ იყო? ომის დაწყებიდან [მალევე]. ამიტომ, რასაც სომხეთი აკეთებს, იმავეს ნამდვილად არ ვაპირებთ, რომ გავაკეთოთ ჩვენ. ჩვენ ჩვენი გადაზღვევის მექანიზმები გვაქვს. შესაბამისად, უმაღლეს კონტროლზეა აყვანილი ყველა ის საფრთხე და რისკი, რომელიც, შეიძლება, რეგიონში ამ პროცესებიდან გამომდინარე იყოს”, – განაცხადა ნინო წილოსანმა.
