არ სჭირდება ხალხო გარდაცვლილ სახელოვან ქართველებს თქვენი დაცვა ცემა-ტყეპით. ამით მათ სიდიადეს მხოლოდ აკნინებთ,- წერს ოცნების პროპაგანდისტი ნინო ნადირაძე სოციალურ ქსელში.
,,დაცვაა, როცა თქვენს შვილებს წააკითხებთ მათ წიგნებს ან უამბობთ მათზე. იმ ანგელოზი ბავშვის სიკვდილზე გაფიქრებაც კი მაჩანაგებს. ვუსამძიმრებ მშობლებს მთელი გულით,”- წერს ნინო ნადირაძე.
ონისე ოქრიაშვილს თავს გუშინ დაესხნენ – მას სადარბაზოსთან 3 პირი დახვდა და ფიზიკურად გაუსწორდა. მისი ცოლის ინფორმაციით, “მას დაგლეჯილი ჰქონდა ტანსაცმელი, სისხლიანი ჰქონდა ხელი, დაწითლებული აქვს კისერი და თავში ურტყამდნენ”. ასევე, თვითმხილველის მიერ გუშინ გადაღებულ კადრებში ისმის, როგორ ახსენებენ თავდამსხმელები ნოდარ დუმბაძეს. მანამდე, რამდენიმე დღის განმავლობაში ოცნების პროპაგანდისტული მედია ხუმრობაში ნოდარ დუმბაძის ხსენების გამო ონისე ოქრიაშვილის დისკრედიტაციას ეწეოდა.
