ნინო ლომჯარია : ყველაზე სწორი გამოსავალი იქნება, შალვა თადუმაძემ მიმართოს კომპეტენტურ ორგანოს, რომელიც ადგენს დიპლომის ხარისხსა და ნამდვილობას

newsnews
ავტ.: newsnews ოქტომბერი 10, 2019 13:27

ნინო ლომჯარია : ყველაზე სწორი გამოსავალი იქნება, შალვა თადუმაძემ მიმართოს კომპეტენტურ ორგანოს, რომელიც ადგენს დიპლომის ხარისხსა და ნამდვილობას

ყველაზე სწორი გამოსავალი იქნება, შალვა თადუმაძემ მიმართოს კომპეტენტურ ორგანოს, რომელიც ადგენს დიპლომის ხარისხსა და ნამდვილობას, – ამის შესახებ სახალხო დამცველმა ნინო ლომჯარიამ განაცხადა.

როგორც ლომჯარიამ აღნიშნა, კარგია, რომ გენერალურმა პროკურორმა იურიდიულ საკითხთა კომიტეტის სხდომაზე გასაუბრების დროს განაცხადა, რომ სახალხო დამცველის მანდატსა და კომპეტენციას შეესაბამება ის, რასაც სახალხო დამცველის აპარატი აკეთებს. კერძოდ, ზედამხედველობას უწევს მოსამართლეთა დანიშვნის პროცესს. ლომჯარიას თქმით, თადუმაძის მიერ გაკეთებული განცხადებები განსხვავებული სულისკვეთების იყო.

რაც შეეხება დიპლომის საკითხს, გამომდინარე იქიდან, რომ ამდენი კითხვის ნიშანი არსებობს და რადგან ამ კითხვებზე პასუხი საზოგადოებისთვის დამაჯერებელი არ ყოფილა, ალბათ ყველაზე მარტივი და სწორი გამოსავალი იქნება, რომ შალვა თადუმაძემ მიმართოს იმ კომპეტენტურ ორგანოს, რომელიც ადგენს დიპლომის ხარისხსა და ნამდვილობას. არსებობს განათლების სამინისტროში სსიპ-ი, არა ერთ პირს აქვს გავლილი ხარისხის კონტროლი და დადასტურებული მისი დიპლომის ნამდვილობა. ვფიქრობ, კარგი იქნებოდა, ეს აქამდე გაეკეთებინა. დღესაც შესაძლებელია. ვურჩევდი, ხარისხის დადგენის მოთხოვნით სწორედ ამ საჯარო სამართლის იურიდიულ პირს მიმართოს.

რამდენიმე შემთხვევა ვნახეთ და ძირითადად, ხარისხის მართვის სააგენტო არ ადასტურებდა დიპლომის ხარისხს იმ კანდიდატების შემთხვევაში, ვინც განიხილა იუსტიციის უმაღლესმა საბჭომ, თუმცა ეს კანდიდატები შემდგომ სასამართლოს გზით ახერხებდნენ დაედასტურებინათ მათი დიპლომის შესაბამისობა მაგისტრის ხარისხთან. ჩვენ ამ პრობლემებზეც ვწერთ ანგარიშში და ვამბობთ, რომ სამწუხაროდ, სასამართლოს გადაწყვეტილებები, რბილად რომ ვთქვათ, ძალიან სუსტი და არასათანადოდ დასაბუთებული იყო. ამიტომ, არსებული პრაქტიკის გათვალისწინებით, უფრო მეტად პრობლემებს ვხედავთ სასამართლო ეტაპზე, ვიდრე ხარისხის მართვის სააგენტოს მიერ მიღებულ გადაწყვეტილებებში“, – განაცხადა ნინო ლომჯარიამ.

newsnews
ავტ.: newsnews ოქტომბერი 10, 2019 13:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,581
ვიზიტორი
დღეში
Powered By Google Analytics