ნინო ლომჯარია: “კაი, ჩემო ძმაო, გასაგებია ყველაფერი”…

კაი, ჩემო ძმაო, გასაგებია ყველაფერი, – ამის შესახებ საქართველოს სახალხო დამცველი ნინო ლომჯარია სოციალურ ქსელში წერს და ხელისუფლების წარმომადგენლების დღევანდელ განცხადებებს ეხმაურება.

„დღის ბოლოს, მოკლედ რომ შევაჯამო განვითარებული მოვლენები:

სახალხო დამცველმა აიღო ხელისუფლების მიერ შექმნილი კონსილიუმის დასკვნა, რომლის თანახმადაც მიხეილ სააკაშვილის ჰოსპიტალიზაცია უნდა განხორციელდეს ისეთ კლინიკაში, სადაც იქნება მრტ, კტ, დუპლერ სკანირების აპარატი;

ექსპერტები წავიდნენ ციხის საავადმყოფოში და შეამოწმეს, იყო თუ არა ადგილზე აღნიშნული აპარატურა;
აღმოჩნდა, რომ არ იყო, რის შესახებაც საჯაროდ დავწერეთ;

ამას მოყვა შემდეგი რეაქციები:

დეპუტატმა ალუდა ღუდუშაურმა განაცხადა, რომ სახალხო დამცველი არის პოლიტიკურად მიკერძოებული;
ბ-ნმა ირაკლი კობახიძემ განაცხადა, რომ აღარ დაუშვებენ, რომ სახალხო დამცველი აღარ იყოს პარტიის კონტროლის ქვეშ;
დედაქალაქის მერმა ნერვიულად გადაიხარხარა…

რა შეიძლება ვთქვა? კაი, ჩემო ძმაო, გასაგებია ყველაფერი…“, – წერს ნინო ლომჯარია „ფეისბუქზე“.

წინა სტატიაშიდეკანოიძე – ქუთაისში უნდა იყოს პირველი არჩეული შერიფი
შემდეგი სტატიასაქართველოს მესამე პრეზიდენტის მიხეილ სააკაშვილის ჰოსპიტალიზებასთან დაკავშირებით “ერთიანი ნაციონალური მოძრაობა” განცხადებას ავრცელებს