ნინო ლომჯარია ირაკლი კობახიძის განცხადებაზე – ეს პოლიტიკური განაცხადია, რომ ხელისუფლებას არ ეჩქარება და არ თვლის, რომ რაიმე მნიშვნელოვანს ვკარგავთ – ეს არის ძალიან საგანგაშო

სახალხო დამცველის, ნინო ლომჯარიას განცხადებით, “ქართული ოცნების” თავმჯდომარის, ირაკლი კობახიძის განცხადება, რომ ევროკავშირში გაწევრიანებას მინიმუმ 14-15 წელი სჭირდება, მიანიშნებს იმაზე, რომ მმართველი გუნდის წევრები ევროინტეგრაციის პროცესში არ ჩქარობენ.

მისივე თქმით, კობახიძის ეს განცხადება შეიძლება ასევე გულისხმობდეს იმას, 6 თვე ევროკომისიის რეკომენდაციების შესასრულებლად ოპტიმალურად გამოყენებული არ იქნება და შეიძლება პოლიტიკურად ამისთვის გვამზადებენ.

“ჩემთვის ეს არის პოლიტიკური განაცხადი და პრაქტიკულად საჯაროდ თქმა იმის, რომ ხელისუფლებას ამ პროცესში არ ეჩქარება და ხელისუფლება არ თვლის რომ რაიმე მნიშვნელოვანს ვკარგავთ და თვლის, რომ თუ ეს პროცესი წლობით გადაიწევს არაფერი განსაკუთრებული არ მოხდება. ეს არის ძალიან საგანგაშო, იმიტომ რომ ყველა ექსპერტი ევროკავშირთან ურთიერთობის საკითხებში ამბობს, რომ დღეს ჩვენ გვაქვს ის უნიკალური შანსი, რაც შეიძლება ათწლეულებში ერთხელ დგება და ამიტომ ამ შანსის გაშვება ჩვენ შეიძლება ათწლეულებით დაგვაშოროს იმ პერსპექტივას, რაც წელს ძალიან ახლოს იყო ჩვენთან,” – განაცხადა ნინო ლომჯარიამ.

წინა სტატიაშითბილისის სააპელაციო სასამართლომ გიორგი შაქარაშვილის მკვლელობაში მსჯავრდებულთა მიმართ გამოტანილი გამამტყუნებელი განაჩენი უცვლელად დატოვა
შემდეგი სტატიამუდმივად გვეუბნებიან, რომ ხელისუფლებიდან ნატოში საქართველოს გაწევრიანებას უკვე ძალიან დიდი ხანია აღარავინ ითხოვს, ეს შემაშფოთებელია – ხიდაშელი