ნინო ბურჯანაძე პარლამენტის თავმჯდომარეს სასამართლოში უჩივის. როგორც დემოკრატიული მოძრაობის ლიდერმა განაცხადა ის სარჩელის შეტანას ქუთაისის სასამართლოში გეგმავს რითაც, საკონსტიტუციო კომისიის შემადგენლობიდან მისი პარტიის ამოღებას გააპროტესტებს. ბურჯანაძის შეფასებით კობახიძის ეს გადაწყვეტილება უკანონო იყო და ის პარტიის კონსტიტუციურ უფლებას ლახავს. ამასთან დემოკრატიული მოძრაობის ლიდერმა კონსტიტუციის ახალი პროექტი კიდევ ერთხელ გააკრიტიკა.