„დემოკრატიული მოძრაობა – ერთიანი საქართველოს“ ლიდერი ნინო ბურჯანაძე „თავისუფალი დემოკრატების გენერალურ მდივან ალექსი პეტრიაშვილზე მომხდარ თავდასხმას „ამაზრზენ ფაქტად“ აფასებს.
როგორც მან ტელეკომპანია „პირველის“ ეთერში განაცხადა, ქვეყანაში სამართალდამცავი ორგანოები არ არსებობს.
„ეს, რა თქმა უნდა, ამაზრზენი ფაქტია. შეიძლება მსგავსი ქმედების მსხვერპლი გახდეს დღეს პარტიის გენერალური მდივანი, ხვალ რიგითი მოქალაქე. თითოეული ადამიანის სიცოცხლე ჩვენთვის ღირებულია. ეს ნიშნავს იმას, რომ ქვეყანაში უბრალოდ ხელისუფლება არ არსებობს. ქვეყანაში არ არსებობს სამართალდამცავი ორგანოები, რომლებიც იმუშავებენ ნორმალურად. ქვეყანაში არ არსებობს გამოძიება“, – განაცხადა ნინო ბურჯანაძემ.
https://youtu.be/bsrMRewzmzg