ნინია კაკაბაძე: ქართულ ოცნებას ზიზღის გარდა სხვა მესიჯი საკუთარი ამომრჩევლებისთვის არ გააჩნია

ახლა გაცილებით პრინციპულია ის, რომ რუსთავი 2 გადარჩეს იმ სახით, როგორი სახითაც არსებობს

ნინია კაკაბაძე ტელეკომპანია “ფორმულას” გადაცემა “პლატფორმაში” ამბობს, რომ ქართულ ოცნებას ზიზღის გარდა სხვა მესიჯი საკუთარი ამომრჩევლებისთვის არ გააჩნია.

“ქართული ოცნების ამომრჩეველს უნდა შევახსენოთ, რომ, აი, რომ გავიხსენოთ ნაციონალური მოძრაობის პერიოდი, როდესაც ამ ადამიანების უმეტესობა იყო ოპოზიციაში და მაშინ ნაციონალური მოძრაობის კრიტიკაზე და, თუნდაც, ზიზღზე იდგა მთლიანად მათი რიტორიკა. მეტ-ნაკლებად ეს მაშინ ბუნებრივი იყო იმიტომ, რომ შედარებით ძლიერს უპირისპირდები, როდესაც ოპოზიცია ხარ და სუსტი ხარ.

მაგრამ დღესაც, მთელი ამ 8 წლის განმავლობაში ჯერ ისევ გეგონება, რომ ეს ადამიანები ხელისუფლებაში კი არ არიან, არამედ ისევ ნაციონალური მოძრაობის ოპოზიციაში. მთელი ეს 8 წელი და განსაკუთრებით, საარჩევნო კამპანიები დგას მთლიანად ნაციონალური მოძრაობის ზიზღზე და მათ კრიტიკაზე.

მე რომ ვიყო ქართული ოცნების ამომრჩეველი, ძალიან შემაწუხებდა, რომ ადამიანების ამ ჯგუფს თავისი მესიჯი არ აქვს. მათი ერთადერთი მესიჯი არის ზიზღი, რომ ნაციონალურ მოძრაობაზე უკეთესი ვარ, ოღონდ რითი არის უკეთესი, ამას, მაინცდამაინც, ვერ ასაბუთებს. “, – თქვა კაკაბაძემ.

banner
წინა სტატიაშიმიხეილ სააკაშვილი საქართველოში მისი ჩამოსვლის საკითხზე აცხადებს – „როცა საჭიროა, ყველა ყველაფერს გაიგებს“
შემდეგი სტატიაგამსახურდია: ცოტნეს გამოჯანმრთელების პროცესი ნელა, მაგრამ საიმედოდ წინ მიდის