სომხეთი კოლექტიური უსაფრთხოების ხელშეკრულების ორგანიზაციას (ОДКБ) დატოვებს. ამის შესახებ სომხეთის პრემიერმინისტრმა, ნიკოლ ფაშინიანმა ეროვნულ ასამბლეაზე განაცხადა.
“ჩვენ [სომხეთი] დავტოვებთ [ОДКБ].
ჩვენ გადავწყვეტთ როდის წავალთ. როგორ ფიქრობთ, რა იქნება შემდეგი ნაბიჯი? შეგვიძლია უკან დაბრუნება? … ჩვენ არ დავბრუნდებით უკან. ჩვენ უბრალოდ არ ვამბობთ [ამას], რომ თქვენი განწყობა მოულოდნელად არ დაეცეს,” – განაცხადა ფაშინიანმა დეპუტატებთან კითხვა-პასუხის რეჟიმში საუბრისას.
კითხვაზე, რა მდგომარეობაში იქნებოდა სომხეთი და მთიანი ყარაბაღი იმ შემთხვევაში თუ ფაშინიანი არ იქნებოდა პრემიერი, მან უპასუხა: “კი, ეს კითხვა დამისვამს. გეტყვით, რა მოხდებოდა – იგივე იქნებოდა იმ ერთი სხვაობით, რომ სომხეთი გუბერნია იქნებოდა, ასი პროცენტით“. აღნიშნა ფაშინიანმა.
