ვერაზე მოკლული 22 წლის ახალგაზრდის, ნიკო კვარაცხელიას დედა იზა ომაძე სამადლობელ პოსტს აქვეყნებს მას შემდეგ, რაც “ლელო საქართველოსთვის” ორივე ლიდერს მამუკა ხაზარაძესა და ბადრი ჯაფარიძეს პატიმრობა მიუსაჯეს:
“ვინ რას და როგორ აფასებს არ ვიცი, მაგრამ ღმერთმა დამიფაროს მე და ჩემი ოჯახი რომ მადლიერება და თანადგომა არ გამოვუხატო იმ ადამიანებს ვინც ჩვენს გარშემო იდგა მაშინ , როცა ჰაერი არ იძვროდა ირგვლივ!!!”, – წერს იზა ომაძე.
ცნობისთვის, „ლელო ძლიერი საქართველოს“ ლიდერი, მამუკა ხაზარაძე სასამართლომ პარლამენტის დროებითი საგამოძიებო კომისიის მოთხოვნის შეუსრულებლობის ფაქტზე დამნაშავედ ცნო. მოსამართლე ზვიად შარაძის გადაწყვეტილებით, მას 8 თვით თავისუფლების აღკვეთა მიესაჯა. ამასთან, აეკრძალა თანამდებობის დაკავება 2 წლის ვადით. მანამდე, დღეს დილით განაჩენი გამოცხადდა „კოალიცია ცვლილებისთვის“ ერთ-ერთი ლიდერის, ზურაბ გირჩი ჯაფარიძის საქმეზეც. მას საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება.
