ნიკა მელია კატეგორიულად გამორიცხავს მიხეილ სააკაშვილთან ან მის მომხრეებთან რაიმე სახის პოლიტიკურ ალიანსში ყოფნას, მიუხედავად იმისა, თუ ვინ იდგება ამა თუ იმ პლატფორმაზე.
მელია აღნიშნავს, რომ სააკაშვილის მხრიდან გავრცელებული ბრალდება, თითქოს მან სააკაშვილის გათავისუფლების აქცია განზრახ დაშალა, მორიგი ცილისწამებაა, რასაც ის უპასუხოდ აღარ დატოვებს.
„ვინც ზურგიდან დანის ჩარტყმაში გამოცდილი მყავს, იმ კაცთან ნურავინ მთხოვს ერთობაში ყოფნას, რამდენადაც ჩემთვის პატივცემული ადამიანებიც არ უნდა იყვნენ ამა თუ იმ პლატფორმაზე, გნებავთ დღეს და გნებავთ ხვალ. სადაც სააკაშვილია, იქ ქვეყნის ინტერესი არაა, იქ მხოლოდ კერძო ეგოისტური ინტერესია. ვიყო ივანიშვილის მტერი არ ნიშნავს, რომ უნდა ვიყო სააკაშვილის პარტნიორი“, — ნათქვამია ნიკა მელიას წერილში.
