საქართველოს მესამე პრეზიდენტი მიხეილ სააკაშვილი სოციალურ ქსელში საგანგებო მიმართვას ავრცელებს და საკუთარ მომხრეებს წესების დაცვისკენ მოუწოდებს. სააკაშვილის განცხადებით, მან საკუთარი ფეისბუქ გვერდიდან დაბლოკა მომხმარებელი, რომელმაც ნიკა გვარამიას პირადი შეურაცხყოფა მიაყენა.
ექსპრეზიდენტი ხაზგასმით აღნიშნავს, რომ პოლიტიკური კრიტიკა მისაღებია, თუმცა პირადი ცხოვრების შესახებ ჭორების გავრცელება მისთვის აბსოლუტურად წითელი ხაზია.
„კრიტიკა და არმოწონება ყველას მიმართ დასაშვებია, მაგრამ პირადი ცხოვრების ჭორებზე გადასვლა არცერთ ჩემს მომხრეს არ შეშვენის და ჩემთვის სრულიად მიუღებელია. მინდა ეს ყველამ გაითვალისწინოს. მე ძალიან დიდი გულისყურით ვეკიდები ჩემს გვერდზე ყველა შემომსვლელს, თქვენ მე ძალიან დიდ ძალას მაძლევთ და მადლობელი ვარ თქვენი, ოღონდ წესები ყველამ უნდა დაიცვას“, — აცხადებს მიხეილ სააკაშვილი.
პატიმრობაში მყოფი ყოფილი პრეზიდენტი კიდევ ერთხელ მიუთითებს, რომ მისი სოციალური სივრცე მხოლოდ ცივილური დისკუსიის ადგილი უნდა იყოს.
