„მთავარი არხის“ დამფუძნებელი და გენერალური დირექტორი ნიკა გვარამია ამავე ტელევიზიაში თავის წილსა და პოსტს ტოვებს.
„მთავარი არხის“ პარტნიორთა კრების ოქმის მიხედვით, ნიკა გვარამია თავის 12%-იან წილს უსასყიდლოდ გადასცემს თავის მეუღლეს, სოფო ლილუაშვილს, კომპანიის გენერალური დირექტორი კი, გიორგი გაბუნია გახდება.
წილების გასხვისებაზე გადაწყვეტილებების საჯარო რეესტრში ასახვის შემდეგ „მთავარი არხის“ მფლობელები იქნებიან:
სოფო ლილუაშვილი – 12%
გიორგი რურუა – 2,5%
„საქართველოს უნივერსიტეტი“ – 2%
ნიკოლოზ სისაური – 3%
BGIM – 39,6%
ბაკურ ჯახაია – 37%
„ომეგა მოტორს ჯგუფი“ – 0,2%
„ომეგა მოტორს თბილისი“ – 0,2%
თეიმურაზ ვასილიძე – 1%
მარი ანნა რურუა – 2,5%
აღნიშნული ცვლილებების დასარეგისტრირებლად დოკუმენტები საჯარო რეესტრში 27 თებერვალს შევიდა.
საკითხის წარმოება საჯარო რეესტრს ჯერ დასრულებული არ აქვს.
