„კოალიცია ცვლილებისთვის“ ერთ-ერთი ლიდერი ნიკა გვარამია სოციალურ ქსელში „ერთიანი ნაციონალური მოძრაობის“ წევრის, გიორგი ბარამიძის დაკავებას ეხმაურება.
გვარამიამ დაკავებულ პოლიტიკოსს, მის ოჯახსა და თანაპარტიელებს სრული მხარდაჭერა და სოლიდარობა გამოუცხადა.
„გიორგი ბარამიძე ქართველი პატრიოტია და მისთვის წარდგენილი ბრალი არის პოლიტიკური დევნის მორიგი აქტი ანტიქართული რეჟიმის მხრიდან.
ჩემი სრული მხარდაჭერა გიას და მის ოჯახს! ჩემი სოლიდარობა გიას მეგობრებს და „ნაციონალურ მოძრაობას!“— წერს ნიკა გვარამია.
