შეიძლება ითქვას, რომ ჟურნალისტმა ინგა გრიგოლიამ ის მიზანი, რაც, სავარაუდოდ, პირადი ცხოვრების ამსახველი კადრების გამოქვეყნებას აქვს, ჩაშალა: გრიგოლიამ ღიად განაცხადა, რომ მას შანტაჟის არ ეშინია. ამ შეფასებას სოციალურ ქსელში დადებითი გამოხმაურება მოჰყვა. ნიკა გვარამიამ კი, „ფეისბუქზე“ დაწერა:
„აი, ეს გამოარჩევს ინგა გრიგოლიას – განსაკუთრებული ნიჭიერება კი არა (რომელიც აქვს), განსაკუთრებული უნარები კი არა (რაც აქვს), უშეცდომობა კი არა (რაც არავის არ აქვს, და ინგასაც ბევრი შეცდომა დაუშვია, მაგრამ ჩემზე ნაკლები, ალბათ), არამედ განსაკუთრებული გამბედაობა და კონტექსტის უბადლო შეგრძნება. ამიტომაცაა წარმატებული და ამიტომაც მიყვარს ძალიან.“