ნიკა გუჯეჯიანის სახელობის სტიპენდიის ახალი გამარჯვებული 26 წლის ლიკა კეშელავაა

ნიკა გუჯეჯიანის სახელობის ახალი სტიპენდიანტი 26 წლის ლიკა კეშელავაა. გამარჯვებული 2022 წლის გაზაფხულის სემესტრიდან ბერლინში, Miami Ad School Europe-ში Art Direction-ის 2 წლიან პორტფოლიო პროგრამაზე ისწავლის.

გამარჯვებული სპეციალურმა ჟიურიმ გამოავლინა, რომლის შემადგენლობაშიც შედიოდნენ საქართველოს ბანკისა და Miami Ad School Europe – ის წარმომადგენლები. ჟიურიმ გამარჯვებული კონკურსში მონაწილე 35 კანდიდატს შორის შეარჩია.

„საქართველოს ბანკის უცვლელი პრიორიტეტი განათლების მხარდაჭერაა ამ შემთხვევაში კი, კრეატიული ინდუსტრიის. სწორედ ამ მიზნით და Miami Ad School Europe-ის და საქართველოს ბანკის გადაწყვეტილებით, 2019 წელს ნიკა გუჯეჯიანის სახელობის სტიპენდია დაარსდა. ნიკა 2014-2016 წლებში თავად სწავლობდა Miami Ad School Europe-ში Art Direction-ის მიმართულებით. გვინდოდა ნიკას სურვილი აგვესრულებინა და მეტ ქართველს ჰქონოდა შესაძლებლობა ესწავლა MASE-ში. შედეგად, ლიკა უკვე მეორე სტიპენდიანტია, რომელიც ბერლინის Miami Ad School Europe-ში საქართველოს ბანკისა და MASE-ის მიერ დაწესებული ნიკა გუჯეჯიანის სახელობის სტიპენდიით ისწავლის. ვულოცავთ გამარჯვებულს და ვუსურვებთ წარმატებას“,- აცხადებენ საქართველოს ბანკში.

რა უნდა იცოდე Miami Ad School-ის შესახებ?
Miami Ad School-ი ციფრული მარკეტინგის, სტრატეგიული იდეების, კოპირაიტინგის, გრაფიკული დიზაინის, ფოტოხელოვნებისა თუ ინოვაციების მიმართულებით ერთ-ერთი ყველაზე ცნობილი და წარმატებული სკოლაა მსოფლიოში. ის აერთიანებს 15 სარეკლამო სკოლის გლობალურ ქსელს 10 ქვეყანაში და წარმოდგენილია ამერიკის შეერთებული შტატების, სამხრეთ ამერიკისა და ევროპის მასშტაბით.

სტიპენდიის მოსაპოვებლად კონკურსანტებს უნდა ჩაებარებინათ MASE-ში სამი მიმართულებიდან ერთ-ერთზე: Art Direction,Copywriting, Creative Technology.

წინა სტატიაშიგეგელია – ჩვენ გვაქვს რესურსი, რომ შევავსოთ ფრაქცია და გავაგრძელოთ შრომა პარლამენტში
შემდეგი სტატიაღარიბაშვილი – ერთად უნდა გავუსწოროთ თვალი კლიმატის ცვლილებისგან მომდინარე გამოწვევებს, გავზარდოთ ნაკისრი ვალდებულებები უფრო მწვანე, ნაყოფიერი და მტკიცე საზოგადოებების ჩამოსაყალიბებლად