“50 მილიონი იხარჯება ბავშვების ტრანსპორტირებისთვის მიმკედლებელ სკოლებში. 50 მილიონად რამდენ სკოლას ააშენებდნენ?! ვიღაცის არაკეთილსინდისიერებას, არაკომპეტენტურობას, უპასუხისმგებლობას, არანგარიშვალდებულებას ეწირება ბავშვების მომავალი და ამის ფონზე, როცა ერთმანეთის მიყოლებით დაანგრიეს სკოლები და ვერ აშენებენ, როცა მოსწავლეების 35% შიმშილობს, სასკოლო ფორმები უნდა შემოიტანონ ისიც მშობლების ხარჯზე”,_ განაცხადა გადაცემაში ღია სივრცე “ძლიერი საქართველო-ლელოს” ერთ-ერთმა წევრმა ნიკა ჩერქეზიშვილმა.
ინფორმაციისთვის,”ზოგადი განათლების შესახებ“ კანონის მიხედვით, 2026-2027 სასწავლო წლიდან ზოგადი განათლების დაწყებით საფეხურზე, მოსწავლეებისთვის სასკოლო ფორმის ტარება სავალდებულო ხდება.
როგორც განათლების სამინისტროში განმარტავენ,სასკოლო ფორმას უსასყიდლოდ მხოლოდ სოციალურად დაუცველი მოსწავლეები მიიღებენ.
