ჩვენ გვჭირდება საქართველო ევროკავშირში. ისინი ვინც ამბობენ რომ თქვენ არავინ გელოდებათ ევროკავშირში, ისინი იტყუებიან – ამის შესახებ ევროპარლამენტარმა რასა იუკნევიჩიანემ საქართველოს პრეზიდენტთან შეხვედრის შემდეგ განაცხადა. ევროპარლამენტის დელეგაციის წევრები იზიარებენ პრეზიდენტისა და პროევროპული პოლიტიკური ძალების მოთხოვნას ახალი არჩევნების ჩატარებასთან დაკავშირებით.
“ჩვენ გვჭირდება საქართველო ევროკავშირში. ისინი ვინც ამბობენ, რომ თქვენ არავინ გელოდებათ ევროკავშირში, ისინი იტყუებიან. რეჟიმი, რომელიც ახლა ასე იქცევა და ძალადობს ქუჩებში, ეს შეუთავსებელია ევროპულ ღირებულებებსა და ევროკავშირში გაწევრიანების პროცესთან. ნიღბები ახლა უკვე ჩამოხსნილია. ყველაფერი ქართველ ხალხზეა დამოკიდებული. ჩვენ ვდგავართ ქართველი ხალხის გვერდით და ვიზიარებთ იმ ფასეულობებს, რაც მათ აქვთ,” – აღნიშნა ევროპარლამენტარმა რასა იუკნევიჩიანემ.
