ნიგერიის ჩრდილო-აღმოსავლეთ იობის შტატში ისლამისტი მებრძოლების თავდასხმას, სულ მცირე, 17 პოლიციელი ემსხვერპლა. ინფორმაციას reuters ავრცელებს.
გავრცელებული ცნობით, თავდასხმის ობიექტი სამხედრო სკოლა გახდა, სადაც პოლიციელების გადამზადება ხდებოდა.
„ოფიცრები, რომლებიც დაწესებულებაში სპეციალიზებულ ოპერატიულ მომზადებას გადიოდნენ, დაიღუპნენ, როდესაც მებრძოლებმა ობიექტზე კოორდინირებული თავდასხმა განახორციელეს სხვადასხვა მიმართულებით“, – განაცხადა ნიგერიის პოლიციის წარმომადგენელმა, ენტონი ოკონ პლასიდმა.
ცნობისთვის, ნიგერია, თითქმის ორი ათწლეულია, ქვეყნის ჩრდილო-აღმოსავლეთში ისლამისტურ ამბოხებას ებრძვის. დაჯგუფება ,,ბოკო ჰარამა“ დასახლებებზე თავდასხმებს ხშირად აწყობს.
