ნიდერლანდებმა რუსული აქტივები 640,8 მილიონი ევროს ოდენობით გაყინეს. ამის შესახებ რუსეთის ფედერაციის წინააღმდეგ სანქციების განხორციელების კოორდინატორმა, ნიდერლანდების საგარეო საქმეთა ყოფილმა მინისტრმა სტეფ ბლოკმა განაცხადა.
აღსანიშნავია, რომ ასეთი სერიოზული სანქციები, რომელიც ამჟამად მოქმედებს რუსეთის წინააღმდეგ, არასდროს ყოფილა. სანქციები ვრცელდება ეკონომიკის თითქმის ყველა სექტორზე. სანქციების განხორციელებასა და ზედამხედველობაში ჩართულია დიდი რაოდენობით სამინისტროები, კომპანიები და აღმასრულებელი სამსახურები.
ბანკებმა ასევე შეაჩერეს სანქციების ქვეშ მოქცეული ქვეყნების ფინანსური ოპერაციები 425 მილიონი ევროს ფარგლებში, ხოლო დარჩენილ ქონებას შორის არის ექვსი თვითმფრინავი და 24 გემი რუსეთისა და ბელორუსის მოქალაქეებისგან.
სანქციების დაწყებიდან, ჰოლანდიის ოფიციალურმა პირებმა შეამოწმეს 77,500-ზე მეტი საექსპორტო და 11,300 იმპორტის დეკლარაცია.
