ნიდერლანდების დაზვერვამ რუსეთის სამხედრო სადაზვერვო სამსახურის GRU-ს აგენტი გამოავლინა, რომელიც სისხლის სამართლის საერთაშორისო სასამართლოში შეღწევას ცდილობდა.
რუსმა აგენტმა ბრაზილიიდან ნიდერლანდებში სამოგზაუროდ ყალბი ბრაზილიური დოკუმენტი გამოიყენა.
მედიის ცნობით, მას სტაჟირება უნდა დაეწყო სისხლის სამართლის საერთაშორისო სასამართლოში, რაც იმას ნიშნავს, რომ მას წვდომა ექნებოდა საერთაშორისო სასამართლოს შენობასა და სისტემებზე.
ის ნიდერლანდებში ჩასვლისას დააკავეს და შემდეგი რეისით ბრაზილიაში გაგზავნეს.
ჰოლნდიური დაზვერვის ცნობით, რუსი აგენტი თავს ბრაზილიის მოქალაქე ვიქტორ მიულერ ფერეირად ასაღებდა, რომელიც თითქოს 1989 წლის 4 აპრილს დაიბადა. სინამდვილეში კი მისი ნამდვილი სახელი სერგეი ვლადიმროვიჩ ჩერკასოვია და ის 1985 წლის 11 სექტემბერს დაიბადა.
