ნიცაში მყოფი 4 ქართველი ნაპოვნი და უვნებელია

news
ავტ.: news ივლისი 15, 2016 14:18

ნიცაში მყოფი 4 ქართველი ნაპოვნი და უვნებელია

საფრანგეთში საქართველოს საელჩოს ინფორმაციით, 4 ქართველი, რომელსაც დილიდან ეძებდნენ, იპოვეს. ამ პერიოდის განმავლობაში ოთხივე მათგანი სახლში იმყოფებოდა.

შეგახსენებთ, ტერაქტი ნიცაში გვიან ღამით მოხდა. ბასტილიის აღების დღის აღსანიშნავ დღესასწაულზე შეკრებილ ადამიანთა შორის, რომლებიც ფოიერვერკებს უყურებდნენ, სატვირთო ავტომობილი შევარდა. თავდამსხმელმა ხალხის მისამართით გასროლაც მოასწრო. სატვირთოს მძღოლი პოლიციამ ადგილზე მოკლა. მისი ავტომობილიდან კი ამოღებულია იარაღი და ხელყუმბარები. ამჟამინდელი მონაცემებით დაღუპულია 84 , ხოლო დაშავებულია 100-მდე ადამიანი.

news
ავტ.: news ივლისი 15, 2016 14:18