ნია მჭედლიშვილმა, გივი, გიორგი ქართველიშვილმა და ლევან ყურაშვილმა დღეს დაარეგისტრირეს ორგანიზაცია: “ეროვნული თაობა”. სიმბოლურია, რომ იურიდიული მისამართი მოსკოვის გამზირია.
,,წესდებაში უწერიათ, საზოგადოების ცნობიერებას ავამაღლებთ – ენის, კულტურის, ისტორიის, რწმენის მიმართულებითო. განსაკუთრებული სწორება ახალგაზრდებზე აქვთ.
ანუ ე.ი. ცოტნე ივანიშვილი რა შეკრებებზეც დადის ხოლმე, ეგ და ვარლამ ლიპარტელიანი უვარგისები გამოდგნენ და მათ ფუნქციებსა და მოვალეობებს, აწი ჩვენ მივხედავთო.
ოღონდ: ძალადობით, მუშტით, კრივით, თავ-პირის დალეწვით და მუქარებითო” – წერს სალომე სიმონია სოციალურ ქსელში.
ქართველიშვილმა თანამოაზრეებთან ერთად სიწმინდეების დასაცავი მოძრაობა – “ეროვნული თაობა” დააფუძნა, რომელსაც ოცნების პროპაგანდა “სახალხო მოძრაობად” მოიხსენიებს. საინიციატივო ჯგუფმა განაცხადი იუსტიციის სახლში დღეს შეიტანა.
გიორგი ქართველიშვილი ოცნების პროპაგანდისტული რუსთავი 2-ის ჟურნალისტის, ჟანა აკოფაშვილის ქმარია. ის რუსთავი 2-ში გადასვლამდე მთავარი არხის ჟურნალისტი იყო. ქართველიშვილს კი აქტივისტები ტიტუშკების მობილიზებაში ადანაშაულებენ. რამდენიმე დღის წინ ოცნების პროპაგანდისტული მედია მას აქტივისტ და იუმორისტ ონისე ოქრიაშვილზე “თავდამსხმელის მეგობრად” მოიხსენიებდა და მის დასაცავად იყენებდა.
