ისრაელის პრემიერმა ბენიამინ ნეთანიაჰუმ განაცხადა, რომ აშშ-ს მიერ იერუსალიმის ისრაელის დედაქალაქად აღიარებისა და ამ ქალაქში საელჩოს გადატანის გადაწყვეტილების მიღების შემდეგ, კიდევ ექვსი ქვეყანა, უმოკლეს დროში აპირებს მიბაძოს მას და საელჩო იერუსალიმში გადაიტანოს.
ნეთანიაჰუმ 6 ქვეყნიდან, რომლებიც იერუსალიმში საელჩოს გადატანას აპირებენ, მხოლოდ ერთი – გვატემალა დაასახელა და ამ ქვეყნის ხელმძღვანელობას მადლობა გადაუხადა. მან ასევე აღნიშნა, რომ პირველი 10 ქვეყანის დიპლომატიური მისია, რომელიც იერუსალიმში დაიდებს ბინას, ისრაელის ხელისუფლებისაგან ჯანდაცვის უზრუნველყოფაში სპეციალურ შეღავათებს მიიღებს.