ზვიად გამსახურდიას დროინდელი უმაღლესი საბჭოს დეპუტატებისათვის პენსიის 3 000 ლარამდე გაზრდის მოთხოვნას საქართველოს პრეზიდენტის ვაჟი, ცოტნე გამსახურდია გამოეხმაურა.
“ნეტავ გააცოცხლა საწყალი მამაჩემი და ამ ქინძებზე შეახედა ცალი თვალით… არც ბელადომანი ვარ და კარგად მოგეხსენებათ, ბევრ ქართველზე მეტი გამიკეთებია და კიდეც გავაკეთებ პოლიტფეტიშიზმის წინააღდეგ… რასაც ახლა ვიტყვი, მეორე რესპუბლიკის ტრაგედიაა და არ უნდა ვამბობდე, მაგრამ: ნეტავ რომელს რა აქვს გაკეთებული ამ დამოუკიდებლობის მისაღწევად? ტექსტის შედგენაში მაინც თუ აქვთ მიღებული მონაწილეობა და რამდენი აცნობიერებდა იქედან, რას აწერდა ხელს…? განა არ იციან, რომ ეს ყველაფერი ერთი კაცის გაკეთებულია პრაქტიკულად?!
მართლა აღარაფრისა რცხვენია ამ ხალხს ფულის გულისთვის!
და კიდევ: ჩემი ღრმა რწმენით, ზოგადად პარლამენტარს საერთოდ არ ჭირდება სამარადისო პენსია სიცოცხლის მანძილზე. ამდენ მუქთახორას კიდევ კარგად უძლებს ეს ბედკრული ქვეყანა!-აცხადებს ცოტნე გამსახურდია.
შეგახსენებთ, რომ ზვიად გამსახურდიას დროინდელი უმაღლესი საბჭოს დეპუტატები სადეპუტატო პენსიის 3 000 ლარამდე გაზრდას ითხოვენ. პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაურის თქმით, შესაბამისი ინიციატივა საკანონმდებლო ორგანოში უკვე შესულია.
” ეს ადამიანები თვეში 560 ლარის ოდენობის პენსიას ისედაც იღებენ. თუმცა, 3000 ლარამდე ზრდის საფუძველი მდგომარეობს იმაში, რომ მათ დამოუკიდებლობის აქტს ხელი მოაწერეს”-აცხადებს თამაზ მეჭიაური. როდის განიხილავს პარლამენტი და უფრო კონკრეტულად, საფინანსო-საბიუჯეტო კომიტეტი აღნიშნულ ინიციატივას უცნობია.
აღნიშნულ ფაქტს ეხმიანება ემიგრაციაში მყოფი ერვონული გვარდიის მთავარი სამმართველოს ოპერატიული ქვეგანყოფილების უფროსი, მაიორი გიორგი ალანია.
