უკრაინა არ არის კორეა, რუსეთი არ არის კორეის სახალხო დემოკრატიული რესპუბლიკა, ნებისმიერი “გაყინული კონფლიქტი” ნიშნავს ომს, რომელიც რამდენიმე წელიწადში დაბრუნდება – კარგად მომზადებული და უფრო სისხლიანი, – ამის შესახებ უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი „ტვიტერში“ წერს, სადაც ევროპაში ნატოს გაერთიანებული ძალების ყოფილის სარდლის, ჯეიმს სტავრიდისის განცხადებას ეხმაურება.
„უკრაინა არ არის კორეა, რუსეთი არ არის კორეის სახალხო დემოკრატიული რესპუბლიკა. განსხვავებული კონტექსტი, განსხვავებული მასშტაბები. ნებისმიერი “გაყინული კონფლიქტი” ნიშნავს ომს, რომელიც რამდენიმე წელიწადში დაბრუნდება – კარგად მომზადებული და უფრო სისხლიანი. ერთადერთი გზა ომის დასასრულებლად და ევროპაში უსაფრთხოების დასაბრუნებლად რუსეთის დამარცხება და ტერიტორიების გათავისუფლებაა“, – წერს პოდოლიაკი.