ეროვნულ დემოკრატიული ინსტიტუტის (NDI) მიერ გამოქვეყნებული ახალი კვლევის მიხედვით, გამოკითხულთა 34% პარლამენტის საქმიანობას ცუდად აფასებს, 36% – საშუალოდ, 15% კი – კარგად.
პარლამენტის საქმიანობას ყველაზე ცუდად – 37%-ით თბილისში აფასებენ, ხოლო ყველაზე კარგად სოფლებში – 18%.
ასაკობრივი ჯგუფების მიხედვით, პარლამენტის საქმიანობას, როგორც ყველაზე ცუდად, ასევე ყველაზე კარგად 55 წელს გადაცილებული ადამიანები აფასებენ 36%-ით და 17%-ით.
ოპოზიციის მხარდამჭერების 73% პარლამენტის საქმიანობას ცუდად აფასებს, ქართული ოცნების მხარდამჭერების 35% კი – კარგად.