მთავრობის გაცხადებული მიზანი, საქართველო გახდეს ევროკავშირის წევრი, საქართველოს გამოკითხული მოსახლეობის 77 პროცენტისთვის მისაღებია. ამის შესახებ ეროვნულ-დემოკრატიული ინსტიტუტი (NDI) და CRRC–საქართველოს მიერ 2019 წლის აპრილში ჩატარებულ საზოგადოებრივი კვლევაშია ნათქვამი.
კითხვაზე, მისაღებია თუ არა მთავრობის გაცხადებული მიზანი საქართველო გახდეს ევროკავშირის წევრი, უარყოფითი პასუხი გასცა გამოკითხული მოსახლეობის 13-მა პროცენტმა. პოზიცია არ გააჩნია გამოკითხული მოსახლეობის ათ პროცენტს.
კვლევის საველე სამუშაოები ჩატარდა 28 მარტი-15 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,927 შემთხვევითი შერჩევის პრინციპით, პირისპირ ინტერვიუს წარმომადგენლობითი შერჩევის საფუძველზე.
საშუალოდ ცდომილების ზღვარი 2 -3 პროცენტია.
