ეროვნულ-დემოკრატიული ინსტიტუტის (NDI) კვლევის შედეგების თანახმად, გამოკითხული მოსახლეობის 51% მიიჩნევს, რომ ქვეყანაში დემოკრატიაა.
კითხვაზე – არის თუ არა საქართველოში დემოკრატია, გამოკითხულთა 40% უარყოფითად პასუხობს, ხოლო 8%-მა კითხვაზე პასუხი არ იცის.
ამასთან, გამოკითხულთა 46% მიიჩნევს, რომ საქართველო უკვე დემოკრატიულია, მაგრამ ჯერ კიდევ საჭიროებს გაუმჯობესებას, ხოლო 15% ფიქრობს, რომ საქართველო მხოლოდ საზოგადოების გარკვეული ნაწილისთვის არის დემოკრატიული.
გამოკითხულთა 14%-ის აზრით, საქართველო ჯერ არ არის დემოკრატიული, მაგრამ ქვეყანა ამ მიმართულებით ვითარდება.
ეროვნულ-დემოკრატიული ინსტიტუტი (NDI) და CRRC–საქართველო მიმდინარე წლის აპრილში ჩატარებული საზოგადოებრივი აზრის კვლევის შედეგების პირველ ნაწილს აქვეყნებს.
კვლევის საველე სამუშაოები 7-28 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით) ჩატარდა, რომლის ფარგლებშიც, წარმომადგელობითი შერჩევის საფუძველზე, 2 493 მოქალაქე პირისპირ ინტერვიუს საშუალებით გამოიკითხა.