NDI – გამოკითხულთა 56 პროცენტი საქართველოს მთავრობის საქმიანობას უარყოფითად აფასებს

ეროვნულ-დემოკრატიული ინსტიტუტისა (NDI) და „კავკასიის კვლევითი რესურსების ცენტრი (CRRC) საქართველო“-ს მიერ დღეს გამოქვეყნებული კვლევის მიხედვით, გამოკითხულთა 56 პროცენტი 2019 წლის აპრილში საქართველოს მთავრობის საქმიანობას უარყოფითად აფასებს, 36 პროცენტი კი, დადებითად.

ამასთან, 2018 წლის დეკემბერში არსებული მთავრობის საქმიანობას გამოკითხულთა 53 პროცენტი ცუდად აფასებს, ხოლო 44 პროცენტი კარგად.

ეროვნულ-დემოკრატიული ინსტიტუტი (NDI) და CRRC-საქართველო 2019 წლის აპრილში ჩატარებული საზოგადოებრივი აზრის კვლევის შედეგების მეორე ნაწილს წარადგენს.

აღნიშნული კვლევა, 28 მარტი-15 აპრილის პერიოდში, საქართველოს მასშტაბით 2,927 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით).

კვლევა ასევე წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების ზღვარი არის +/- 2.3 პროცენტი.

banner
წინა სტატიაში“არ მოსწონთ არც ერთი პოლიტიკური პარტია, არ იციან ვის მისცენ ხმა” – NDI
შემდეგი სტატია„ენდიაის“ კვლევის თანახმად, ინსტიტუციების საქმიანობის რეიტინგიში საქართველოს მართლმადიდებლური ეკლესია ლიდერობს